Minister Anroux Marais' speech at Prince Albert Leesfees

Western Cape Minister of Cultural Affairs and Sport, Anroux Marais

Opening of Prince Albert Leesfees

2 November 2018

Wat ‘n voorreg om vanjaar weer SA se top Leesfees (die 7de) te open hier aan die voet vd Swartberge. Ek verneem dat die gewildheid vd fees so toegeneem het dat julle vanjaar na hierdie perseel moes skuif. Baie geluk aan Marlene Malan en haar voorslag - reëlingskomitee. Ook aan elke borg en die inwoners van Prince Albert – julle kan trots voel.

Ek het die Feesprogram deurgelees en julle slagspreuk van Wonder van woorde/ Magic of Words is só gepas en opvallend is veral:

• Hierdie fees bied iets vir almal wat die genre van die boeke betref. Kookboeke, politieke boeke en die gees van “moving to the platteland”
• Die Fees is inklusief. Ek sien dit in die vlakke van leesbelanstelling, Afrikaans en Engels wat hande vat, literatuur vir kinders en volwassenes ens.
• Ek sien ook die kosentrepeneurs word baie betrek – oorgenoeg om aan te smul en te leer vir ons smulpape.

Vergun my ook om só ‘n bietjie te spog met ons Biblioteekdienste, wat ook deel van my portefeulje is.

Ons bedien meer as 370 biblioteke in ons provinsie en selfs vd mees afgeleë gehuggies het ‘n biblioteek of waentjie. Ons brei ook uit en het die afgelope paar jaar 6 nuwe biblioteke gebou. Ons netwerk is nie net die grootste in Suid-Afrika nie, maar ook op die hele kontinent van Afrika. Die biblioteekdiens is ook die enigste op die kontinent wat ‘n tydskrif publiseer oor die vakgebied “Openbare Biblioteekkunde” Hierdie tydskrif is bekend vir sy innovasie en sy dekking oor skrywers en boeke is ongeëwenaard en hy word wyd aanlyn gelees.

Die korrelasie tussen leesvaardighede en leervermoë en prestasie is al oor en oor bewys. Dis daarom dat my department uit hulle pad gaan om biblioteke te bring aan alle uithoeke van die provinsie. Vir ons maak dit nie saak wat jy lees nie, solank jy net lees. Vir dié doel het die Biblioteekdiens meer as 6.5 miljoen boeke in voorraad.

Die Engelse skrywer en digter, Samuel Johnson, het al in 1775 gesê: "Knowledge is of two kinds. We know a subject ourselves, or we know where we can find information upon it”

Om dit reg te kry en die beste diens te lewer, is ‘n goeie bibliotekaris onontbeerlik en ek is dankbaar om te sê ons het nog baie van hulle en is Prince Albert gelukkig om een vd bestes in die wêreld te hê – Reini Smit. Sy is soos ‘n bloedhond in ‘n speurverhaal, sy volg elke leidraad op om die inwoners van hierdie dorp en omgewing te voorsien wat hulle vra. Sy weet nie alles nie, maar sy weet waar om vir jou ‘n antwoord te kry.

Haar voortreflike dienslewering aan haar geliefde inwoners is onberispelik. “She may run a small library in the heart of the Karoo, but she obtains books from far and wide, not accepting no for an answer easily”. Dit was ook gepas da tons haar biblioteel al in die verlede aangewys het as die “Beste klein biblioteek” in ons provinsie.

My dank ook aan die Burgemeester en sy raad wat die belangrikheid van die plaaslike biblioteek hoog ag.

Ek wil afsluit met die volgende:

• Die koms van die digitale era en “social media” het ons manier van kommunikeer onherroeplik verander en dit het ook gelei tot disinformasie (fake news, en gebrek aan kreatiewe skryfwerk.

• Hierdie fees op hierdie Karoodorpie is besig om te groei. Hou asb aan daarmee. Die soeke na prikkelende en kwaliteit leesstof wat verrykend vir die leser se siel is, gaan net groter word.

Dit is vir my ‘n voorreg om met die Prince Albert Leesfees geassosieer te word en ek verklaar dit amptelik as geopen.

Ek dank u.

Media Enquiries: 

Stacy McLean Spokesperson for Minister Anroux Marais Email: Stacy.McLean@westerncape.gov.za Tel: 021 483 4426 Cell: 083 504 1171